فكرة المدونة جت من أنى كنت عايزة أقدم هدية صغيرة لأنسانة عزيزة عليا جدا ويمكن جه الوقت اللى أحاول أرد جزء من جمايلها عليا
صديقتى وحبيبتى ( قلوب حائرة ) مالاقتش أنسب من عيد ميلادك علشان أحاول أرد لك ولو جزء بسيط من كل حاجة شفتها منك
يمكن فكرة أننا نعمل مدونة كانت فكرتك من الأساس وأنتى عرضتيها عليا من كام شهر ولكن خوفك من أننا نتحسد خلاكى ترجعى فى كلامك ولكن أنا حبيت نتكلم عن نفسنا وعن علاقتنا وحبيت تكون أول هدية ليكى فى عيد ميلادك منى وتكون المدونة دى اللى هنتكلم فيها عن علاقتنا وعن مواقفنا وعن كل حاجة
بكرة 17/7 عيد ميلادك وتقريبا أحنا مر على صداقتنا سنه يعنى الأحتفال هيكون أحتفالين واحد بمناسبة عيد ميلادك وواحد بمناسبة مرور سنه على صداقتنا اللى بعتز بيها جدا
كل سنه وانتى طيبة وعقبال مليون سنه ويارب تحققى كل حاجة بتتمنيها فى السنه الجديدة وتكون خير عليكى
وكل سنه وأحنا مع بعض على الحلوة والمرة وأنتى أول واحدة بفكر أتصل بيها وأكلمها فى فرحى وحزنى يارب يخليكى ليا
يالا بقى هنبدأ نتكلم عن نفسنا وعن صداقتنا وباقى كلامى عنك هيكون فى مدونتى دى كانت مقدمة بس
وان شاء الله صداقة للأبد
